Энэ 7- р сарын башёд амжилттай барилдаж Японы эзэн хааны цомыг 35 дахь удаагаа хүртэн хамгийн олон түрүүлсэн амжилтын буухийгаа үргэлжлүүлж буй Ёкозүна Хакухо М.Даваажаргалын Хөдөлмөрийн баатар цолны мялаалга наадам Төв аймгийн Зуунмод хотод боллоо.
Энэхүү наадамд хүчит 128 бөх зодоглож, их нас, дааганы уралдаан болжээ. Улсын заан Ч.Санжаадамба болон улсын гарьд Б.Гончигдамба нар үзүүр түрүүнд үлдэн хүч үзэж Монгол улсын гарьд Б.Гончигдамба давж түрүүлсэн юм. Энэ үеэр Хакухо М.Даваажаргалын гэргий Саёоко Вада санаачлан Төв аймгийн Эрүүл мэндийн газарт иж бүрэн тоноглосон түргэн тусламжийн машин бэлэглэлээ.
Т.Од
Эх сурвалж: www.niislel.mn
Зургийг: Б.Баясгалан
