Засгийн газрын ээлжит хуралдаан өнөөдөр 15:00 цагт болно. Хуралдаанаар дараах асуудлуудыг хэлэлцэхээр төлөвлөжээ. Үүнд, Зарим яамдын үйл ажиллагааны стратеги, бүтцийн өөрчлөлтийн хөтөлбөр батлах тухай, Арбитрын тухай хуулийн шинэчилсэн найруулгын төсөл, Монгол Улсын 2017 оны төсвийн төсөл, Нэрэмжит болгох тухай, Иргэний нисэхийн тухай хуулийн төслийн үзэл баримтлал, Тогтоолын хавсралтад нэмэлт оруулах тухай (Засгийн газрын 2016 оны 305 дугаар тогтоол) болон бусад асуудлыг хэлэлцэх юм байна.
Мөн Засгийн газрын хуралдаанд Сангийн сайдын гадаад томилолтын талаар, Боловсрол, соёл, шинжлэх ухаан, спортын сайдын гадаад томилолтын талаар, Эрүүл мэндийн сайдын гадаад томилолтын талаар Ж.Мөнхбат танилцуулах аж.