Энэ сарын 30-нд буюу өчигдөр Өвөрхангай аймгийн цагдаагийн хэлтэст гурван хүүхэд амиа алдсан гэх дуудлага ирсэн байна. Дуудлагын дагуу шалгахад тус аймгийн Тарагт сумын Хар адуу гэх газар 8 настай эрэгтэй Г, 5 настай эмэгтэй Д, 3 настай эрэгтэй Д нар худагт унаж нас барсан байжээ. Хэргийг аймгийн цагдаагийн хэлтэст шалгаж эхэлсэн байна.
Хүүхэд багачуудын зуны амралт эхэлсэнтэй холбогдуулан санаандгүй байдлаар амь насаа алдах, осол гэмтэлд өртөх хувь өсдөг учраас цагдаагийн байгууллагаас эцэг эхчүүдэд хандан үр, хүүхдээ хараа хяналтгүй орхихгүй байж болзошгүй аюул, ослоос урьдчилан сэргийлэхийг анхаарууллаа.