Шинэ мэдээ
Их уншсан
Уншиж байна ..
Өдрийн төрх

Иргэд газраа чөлөөлвөл зам засварын ажил хугацаандаа дуусна

Долоон буудлын уулзвараас Чингэлтэйн эцсийн буудал хүртэлх 3.3км авто замын өргөтгөл шинэчлэлтийн ажлыг Экспресс зам ХХК гүйцэтгэж буй бөгөөд зургаадугаар сарын 15-нд ашиглалтад хүлээлгэн өгөхөөр төлөвлөн ажиллаж байна.
 
Одоогоор 2.5км-т суурь болон өнгө хучилт хийж, гэрэлтүүлэг бүрэн тавигдаж, явган зам болон борооны ус зайлуулах шугамын  ажил хийж байгаа юм. Нийт ажлын явц 75 хувьтай байна. Гэвч газар чөлөөлөлтийн ажлаас шалтгаалаан замыг хугацаанд нь ашиглалтад оруулах боломжгүй болох магадлалтай байгааг гүйцтэгэгч компаниас мэдээлж байгаа юм байна.
 
Уг замын трассын дагуу нийт газар чөлөөлөх шаардлагатай 70 гаруй хашаа, байшин, обьект байснаас одоогоор 18 айл газраа чөлөөлөөгүй үлдээд байгаа юм. Дээрх айлуудын хашаа, обьект нь ихэвчлэн авто замын явган хүний замын хэсэгт ороод байгаа учир ажлыг үргэлжлүүлэхэд хүндрэлтэй болжээ. Одоогоор дээрх айлуудтай газар чөлөөлөлтийн үнэлгээг тохирох ажил хийж байгаа бөгөөд иргэдийг газар чөлөөлөлтийн ажилд нааштай хандаж замаа хугацаанд нь ашиглалтад оруулахад дэмжлэг үзүүлэхийг Нийслэлийн Автозамын газраас  уриаллаа.   
 
 
Тус ашиглалтад ороод 30-40 жил болж буй, дээрх хугацаанаас хойш их  засварт ороогүйгээс  авто замын зорчих хэсэг нь бүтцийн эвдрэлд орж, замын тэгш байдал алдагдаж, ашиглалтын шаардлага хангахгүй болсон зам юм.  
 
Тодруулбал, Долоон буудлын уулзвараас Чингэлтэй дүүргийн 17 дугаар хороо хүртэлх 1.5 км авто замыг 1973 онд, үүнээс цааш Микроны эцсийн буудал хүртэлх 1.8км  авто  замыг 1985 онд ашиглалтад  оруулжээ.
СЭТГЭГДЭЛ
АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)