Улаанбаатар-Замын-Үүд чиглэлийн А0103 дугаартай замын зорчих хэсэгт өчигдөр зам тээврийн ноцтой осол гарчээ. Тодруулбал иргэн Б-ын эзэмшлийн “Соната-6” загварын суудлын автомашин, иргэн Б-ийн эзэмшлийн “Норд бенз” загварын ачааны автомашинтай мөргөлдөж, нэг хүн нас барж, хоёр хүн гэмтэж эмнэлэгт хүргэгджээ.
Осолдсон тухай дуудлага мэдээлэл өчигдөр 18:10 цагт тус сум дахь Онцгой байдлын хэлтэст ирсэн бөгөөд Гал түймэр унтраах, аврах 17 дугаар ангийн дөрвөн алба хаагч очиж автомашины төмөр хийцэд хавчуулагдсан иргэн Б /46 настай, эрэгтэй/, О/ 41 настай, эмэгтэй/ нарыг гаргаж эмнэлгийн байгууллагад, нас барсан А /47 настай, эрэгтэй/-н цогцсыг гаргаж цагдаагийн байгууллагад тус тус шилжүүлэн өгсөн байна.
