Өнөөдөр ардчилсан намын үндэсний зөвлөлдөх хорооны хуралдаан 17.00 цагт болно. Тус хуралдаан нь З.Энхболд намын дарга болсоноос хойшхи анхны хурал бөгөөд цаг үеийн тун эгзэгтэй мөчид хийгдэж байгаагаараа онцлог юм. Ерөнхий сайдыг сонгууль хүртэл хэвээр байлгах эсэх, сонгуульд хэрхэн оролцох, цаашлаад хэн хэн жагсаалтад орох, хэн тойрогт өрсөлдөх зэрэг асуудлууд хэлэлцэгдэж эхний байдлаар чиг хандлага илэрсэн хуралдаан болно гэж ажиглагчид үзэж байна.
Хамгийн том хоёр фракц болох Шонхор хүчээ зузаатгаж, Алтан гадсын харьяат ҮЗХ-ны гишүүд цөөрөх бололтой. Энэ 2 фракцын хүчтэй болохыг нотолсон томоохон тэмцэл АЭХ-ны тэргүүнийг сонгох үеэр явагдаж 1 хүний зөрүүтэй Шонхор фракц ялалт байгуулсан билээ.
