Дэлхийн оюутны "Универсиад" наадмын гурав дахь өдөр жүдо бөхийн эрэгтэйчүүдийн 66кг-д зодоглосон Үндэсний шигшээ багийн тамирчин Баттогтохын Эрхэмбаяр мөнгөн медаль хүртлээ. Тэрбээр эхний даваандаа Макаогийн тамирчинг 1:04 минутад цэвэр, хоёрдугаар тойрогт Хорватын Марко Драсковичийг 2:06 минутад цэвэр, хэсгийн аваргын төлөө Нидерландын Матьяс ван Хартенг вазари үнэлгээгээр ялсан. Хагас шигшээд Казахстаны Гумар Кыргызбаевыг вазари үнэлгээгээр ялснаар аваргын төлөө барилдахаар шалгарч үлдсэн. Гэвч тэрбээр олимпийн мөнгө, дэлхийн аварга БНСУ-ын Ан Баултай барилдаж ялагдсанаар мөнгөн медаль хүртлээ.