Өнгөрсөн хугацаанд хууль хяналтынханы анхаарлын төвд байсан хэд хэдэн шөнийн цэнгээний газрууд үүд хаалгаа барьж байсан цаг саяхан. Тухайлбал, эдгээрээс хамгийн асуудал дагуулж байсан Доргио гэх нэртэй шөнийн клуб зүсээ хувиргаж “Choco Metropolis club” нэртэйгээр үүдээ хаалгаа нээхээр зэхэж байна. Тус клуб нь өнгөрсөн хугацаанд бидний сайн мэдэх Барилгачдын талбайн яг төв цэгт клубынхаа үйл ажиллагааг явуулж архидан согтуурах гээд элдэв бусын хэл ам тарьж олон ч удаа хууль хяналтынхан үүд хаалгыг нь бариулж Нийслэлийн Засаг даргын захирамжаар цахилгааныг нь хүртэл тасалж байсан. Тус клуб нь Монгол Улсад хүчин төгөлдөр мөрдөгдөж буй хууль дүрмийг уландаа гишгэж цагдаагийн байгууллагад бүртгэлтэй болж байсан газар. Гэтэл одоо өөр газар үйл ажиллагаагаа дахин шинэ нэртэйгээр эхлүүлж байгаа нь дахин гэмт хэргийн ертөнцөд олон залуусыг уруу татан оруулахаар зэхэж байгаа нь харамсалтай. Ямартай ч та бүxний хэзээний танил Доргио клуб цоо шинээр үүд xаалгаа нээж монголын мангас болсон дижи нарын баг хамт олныг бүрдүүлж хуучны дурсамжийг тань сэргээж өгөхөөр зэхэж байна. Уг нь тус газрынхан зүсээ хэдий хувиргасан ч хуучныхаа арга барилыг хэвээр нь хадгалж байгаа гэнэ шүү.
