Ерөнхий боловсролын дунд сургуулийн хоёрдугаар улирлын амралт энэ сарын 18-наар дуусч, пүрэв гаригт хичээл эхлэх ёстой. Гэвч томуу, томуу төст өвчний тархалт өндөр байгаа учраас Эрүүл мэндийн сайд А.Цогцэцэг сурагчдын амралтыг хойшлуулах хүсэлтийг энэ сарын 11-нд Боловсрол, соёл, шинжлэх ухаан, спортын сайдад хандан гаргасан. Тиймээс эцэг эхчүүдийн дунд амралтыг сунгах эсэх талаар хүлээлт үүсээд байсан билээ.
Тэгвэл Боловсрол, соёл, шинжлэх ухаан спортын яамны удирдлагууд уг асуудлыг хэлэлцээд амралтыг сунгахааргүй болжээ. Тиймээс ЕБС-ийн хичээл энэ сарын 19-нөөс хуваарийн дагуу хичээллэх юм байна.
Яагаад ийнхүү шийдвэрлэсэн талаар тус яамнаас маргааш 11 цагт хэвлэлийн хурал хийх аж. Хэвлэлийн хурал БСШУЯ-нд болох юм.
