Ардчилсан намын Их хурал маргааш Соёлын төв өргөөнд болно. Их хуралд 1210 төлөөлөгч оролцох бөгөөд энэ удаагийн хурлаар намын үндсэн дүрэмд өөрчлөлт оруулж, батлах юм. Их хуралд оролцох төлөөлөгчдийг сум, аймаг, нийслэл, дүүргээс сонгогдсон Ардчилсан намын төлөөлөгчид, тус намын Үндэсний зөвлөлдөх хорооны гишүүд, Хяналтын ерөнхий хорооны гишүүд, Намын дэргэдэх байгууллагын төлөөллөөс бүрдсэн 1210 төлөөлөгч бүрдүүлэх юм.
Маргааш болох Их хуралтай холбогдуулан өнөөдөр/11.05/ Ардчилсан намын Үндэсний зөвлөлдөх хороо 11.00 цагт хуралдаж, Их хурлаар хэлэлцэх дүрмийн төслөө хэлэлцэх юм байна. Яг одоо "Чингис" зочид буудалд ҮЗХ-ны хуралдаан эхэлж байна. Тус хурлыг н.Эрхэмбаяр даргалж байна.