Шинэ мэдээ
Их уншсан
Уншиж байна ..
Өдрийн төрх

Үсний будаг олон өвчний үндэс болдог

1970-аад оноос эхлэн үсчин, гоо сайханчдын дунд цус болон тунгалагийн системийн хортой болон хоргүй хавдар их байгааг тогтоосон байна.  Хуйхны орчим болон үсний угт түрхдэг будагч бодис нь арьсаар дамжин эхлээд цусанд нэвтэрч дараа нь бүх биеэр тархдаг аж.
 
Амьтанд хийсэн туршилтаар үсний будаг нь хорт хавдар үүсгэдэг гэдгийг баталжээ.  Бараан өнгийн будаг нь цайвар өнгийнхөөс илүү хортой байдаг гэнэ. Мөн үсээ будах нь цусны хорт хавдраар өвчлөх магадлалыг 50 хувь нэмдэг бөгөөд, 16 жил хэрэглэсний дараа энэ магадлал 150 хувиар ихэсдэг болохыг эрдэмтэд баталжээ.
 
Үсээ жилд 1-4 удаа буддаг эмэгтэйг огт буддаггүй эмэгтэйтэй харьцуулахад өндгөвчний хорт хавдраар өвчлөх магадлал 70 хувь байхад жилд тав буюу түүнээс олон удаа үсээ буддаг эмэгтэйн өвдөх магадлал 100 хувь байдаг ажээ.
 
Зарим судалгаагаар үс будах болон тунгалагийн хорт хавдраар өвчлөх магадлал (50 хувиас их) уялдаатай болох нь илэрчээ. Өмнөд Калифорнийн их сургуульд 2001 онд хийсэн судалгаагаар 15 жилийн турш сард нэг удаа үсээ буддаг хүн бусад хүмүүсийг бодвол давсагны хорт хавдраар өвчлөх нь гурав дахин их байдгийг тогтоожээ.
 
Тиймээс та үсээ аль болох бага будаж байгаарай. Үс сайхан бол зүс сайхан гэдэг ч эрүүл мэнд хамгаас чухал шүү дээ.
СЭТГЭГДЭЛ
АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)