Шинэ мэдээ
Их уншсан
Уншиж байна ..
Улс төр

Ерөнхий сайд НҮБ-ын зарим удирдлагуудтай уулзлаа

Ерөнхий сайд АНУ-д хийж буй ажлын айлчлалынхаа хүрээнд дэлхийн улс төрийн томоохон төв болох НҮБ-ын зарим удирдлагуудтай уулзаж санал солилцлоо. 
 
НҮБ-ын Ерөнхий нарийн бичгийн даргын орлогч Я.Елиассонтой уулзах үеэрээ Монгол Улс НҮБ-ын харилцаа улам бүр өргөжин хөгжиж буйд сэтгэл ханамжтай байгаагаа илэрхийлээд цаашдын хамтын ажиллагааны талаар санал солилцлоо.
 
Монгол Улс НҮБ-ын энхийг сахиулах үйл ажиллагаанд оролцох болсноороо хүн төрөлхтний нийтлэг эрх ашгийн төлөө өөрсдийн хувь нэмрээ оруулах болсонд НҮБ-ын ЕНБД-ын орлогч талархал илэрхийллээ.
 
 Дараа нь Ерөнхий сайд Ч.Сайханбилэг НҮБ-ын Хүний эрхийн асуудал эрхэлсэн туслах, ЕНБД-ын Туслах И.Симиновочтай уулзлаа.
 
Монгол Улс нь Ази тивд төдийгүй дэлхий дахинд Ардчиллын загвар улс болж байгаад И.Симиновоч талархал илэрхийлээд хүний эрхийг хангах үйлсэд хамтран ажиллахад бэлэн байгаагаа илэрхийллээ.
 
Цаазаар авах ялыг халах Монгол Улсын Ерөнхийлөгчийн санаачилгыг онцгойлон  дэмждэгээ хэлээд энэ санаачилга хууль эрх зүйн дэмжлэг авч хэрэгжинэ гэдэгт найдаж байгаагаа илэрхийллээ.
 
Тэрээр 2010 оны долдугаар сарын 17-нд Хүний эрхийн асуудал эрхэлсэн Туслах, ЕНБД-аар томилогдож НҮБ-ын дээд комиссарын албаны Нью-Йорк дахь салбарын даргаар ажиллаж байна. 
 
Европын холбооны хуулиар дамжуулан ардчилалд хүрэх зөвлөлийн гишүүн, Арьс өнгөөр ялгаварлах болон үл тэвчих үзлийн асуудлаарх Европын холбооны гишүүн болон НҮБ-ын Олон улсын шүүхийн дэргэдэх БНХУ-ын  бүрэн эрхт төлөөлөгчөөр тус тус ажиллаж байжээ.
СЭТГЭГДЭЛ
АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)