УИХ-ын сонгууль дуусч, сонгогдсон гишүүд өнөөдөр түр үнэмлэхээ аваад байна. УИХ-ын 2016 оны сонгуульд МАН 65, АН 9, МАХН 1, бие даагч 1 суудал авсан. Тэгвэл МАХН-аас нэр дэвшин ялалт байгуулсан О.Баасанхүү намдаа ихээхэн том гавьяа байгуулсан. Учир нь 2017 оны Ерөнхийлөгчийн сонгуульд УИХ-д суудалтай нам эвслээс өрсөлдөх боломжтой. О.Баасанхүү МАХН-аас ялалт байгуулсан нь МАХН-ын дарга Н.Энхбаярыг Ерөнхийлөгчид өрсөлдүүлэх боломжийг бүрдүүлсэн юм. Гэвч О.Баасанхүү АН-д элсэж магадгүй бололтой. Энэ тухайгаа тэрбээр твиттер хуудсаараа дамжуулан жиргэсэн байна.