Өнгөрсөн хавар тавдугаар сарын 03-ны өдөр ХБНГУ-ын Дрезден хотын хурдны замд дипломат дугаартай албаны машинаар 70 кг геройн тээвэрлэж явсан Монголын хоёр иргэн саатуулагдаж, ихээхэн дуулиан болсон билээ. Тэд бол Монгол Улсаас БНТУ-ын Истанбул хотод суугаа Ерөнхий консулын газрын дэд консул Б.Баттүшиг, жолооч С.Эрдэнэбаяр нар байсан юм.
Тэгвэл Германы Дрезден хотноо тэднийг шүүх хурал өнөөдөр болж байгаа юм байна. Хэвлэлд мэдээлснээр Б.Баттүшиг, С.Эрдэнэбаяр нарт Германы нутаг дэвсгэрт хүчин төгөлдөр мөрдөгдөж буй хуулиар дээд тал нь есөн жилийн хорих ял төлөвлөжээ. Гэсэн ч өмгөөлөгчийн зүгээс ялын хугацааг гурван жил болгон бууруулах хүсэлт тавьсан гэжээ.