"Маш нууц 2" уран сайхны киноны "Үеийн үед" дуу өчигдрөөс эхлэн олны хүртээл боллоо.
Эх орноо бүрэн бүтнээр нь авч үлдсэн зоригт баатруудынхаа гавьяат үйлсийг Монгол түмэн минь үеийн үед санаж явах учиртайг сануулж, ойлгуулсан энэхүү дууг "МАШ НУУЦ-2" буюу "БАЙТАГ БОГД" уран сайхны кинонд зориулан бүтээж, дүрсжүүлсэн байна.
Энэхүү дууны шүлгийг СТА Х.Соёмбо бичиж, аяыг СТА О.Хүрэлбаатар хийсэн бөгөөд дуучин Б.Энхсайхан сэтгэл хөдөлгөм сайхан дуулжээ.
1948 оны долоодугаар сарын 8-нд болсон бодит түүхээс сэдэвлэн бүтээсэн "Маш нууц 2" буюу "Байтаг богд" УСК гуравдугаар сарын 1-ний өдөр Corporate Convention Centre-т нээлтээ хийнэ.
Ц.Аюу
