Загвар өмсөгч Кейт Мосс, Кара Дельвинь нар “Манго” брэндийн нүүр царай боллоо. Кейт Мосс 2012 онд тус брэндийн сурталчилгаанд тоглож байжээ. Харин Кара Дельвинь “Манго” брэндтэй анх удаагаа хамтран ажиллаж байгаа юм. Тэрбээр сурталчилгааны шинэ ажлынхаа талаар “Домогт Кейт Мосстой хамтран ажиллаж байгаадаа баяртай байна. Тэр бол гайхалтай загвар өмсөгч бас хамтрагч юм байна. Бид “Манго”-ын шинэ загварын цуглуулгын сурталчилгааны үеэр сайхан найзууд боллоо” гэж инстаграм хуудастаа бичжээ.
